KAFAALO

Waxan u bishaaranaynaa Khayrfalayaasha Soomaliyeed ee kudhaqan waddanka Denmark, inay Hay’adda Kafaalo ka hirgalisay Denmark qaabka automatikk-ga ah ee qofku ubixin karo sadaqada.

Arinkaan oo ah mid u fudud Khayrfalayaasha iyo Hay’adda Kafaalo markii laga eego dhawr dhinac:

·         Khayrfalaha oo aanan ka walwalayn inuu hilmaamo sadaqadii uu balan qaaday, maadama bangigu hawshaas kuu xusuusanaya.

·         Khayrfalaha oo ay u dhaqaaloobayso kharashkii xawaaladda iwm ah.

·         Isxusuusintii faraha badan oo laga kaaftoomi karo.

·         Hay’adda Kafaalo oo ay sadaqadu kusoo gaarayso si dhakhso ah oo fudud, tan oo sahli karta inaysan sii daahdaahin oo horay laga gudbiyo sadaqada.

·         Nidaamka shaqada oo si fudud u fulaya oo aanan wakhti badan lagu luminayn, markii sadaqadu automatikk usoo dhacdo.

Hadaba khayrfale walba waxan kula talinaynaa kana codsanaynaa inuu soo dajisto oo daabacdo waraaqda Word-ka (Halkaan guji oo kasoo dajiso) , buuxbuuxiyo meelaha banaan oo idil, saxiixo, kadibna u geeyo bangigiisa, si ay hawshaas noogu wada hirgasho.

Indhuhu waa shayga ugu qaalisan caqliga kadib ee Rabbi insaanka ku galadaystay. Hadii uu qofku indho beelo ama ka daciifo araga, waxa uu qabsan karo way iska yaraanayaan, wuxuuna inta badan ku xirnaan qof kale gacan qabashadiisa.

Waa Rabbi mahadii inay ka badqabaan, wax saamayn ahna ku yeelan ardayda, waalidiinta, shaqaalaha, Maamulka Kafaalo Schools iyo dhismaha Kafaalo Schools, dagaalkii ka bilowday magaalada Kismaayo 01 oktoobar todobadii subax nimo, kaasoo dhamaaday sedexdii galabnimo.

Laakin waxaa naxdin leh inay dagaalkaas ku hoobteen dad aad u badan, sida ay nagu soo wargeliyeen Maamulka Kafaalo Schools, ilaa in kabadan 130 qof  oo iskugu jira dhimasho iyo dhaawac ayaa lagu qiyaasi karaa dadka ku waxyeeloobay dagaalkaas.